Plantun de Prouvènço

Pèr coumpara dos planto d'encò nostre

Festuca flavescens & Oenothera glazioviana

Festuca flavescens

Poaceae Graminaceae

Nom en français : Fétuque jaunâtre.

Descripcioun :
Aquesto petugo trachis en mato di li bos de resinous sus sòu séusous, majamen dins li melounié. Es uno planto coumuno qu'èi pas trop tihouso de recounèisse emé si lòngui fueio d'en aut primo, laco e verdo claro (aquéli d'en bas soun mai courto). Li paumo (paniculo), longo de 4 à 14 cm, porton d'espigueto jaunasso de 8 à 12 mm e emé 3 à 6 flour. Li lemma podon agué una arèsto courteto (0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 25 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 14 cm
Flourido : Printèms - Estiéu

Sòu : Si
Autour basso e auto : 1000 à 2600 m
Aparado : Noun
Jun à juilet

Liò : Melouniero - Pinedo - Sapino - Esboudèu
Estànci : Mountagnard à Subaupen
Couroulougi : Ouroufito-Ouèst-Aupenco
Ref. sc. : Festuca flavescens Bellardi, 1792

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.